今日想同大家去行南朗山，超方便，搭地铁就可以行到，而且非常好行，景色仲好靓，可以睇到深湾、游艇会同海洋公园，好有香港特色。

我地以黄竹坑港铁站B出口为起点，落天桥经过巴士总站行上新加坡国际学校路口，转右继续沿南朗山道向上行。

好快就会进入单程路，再向前行就会见到上南朗山休憩公园登山梯级。

系短短梯级後就会见到南朗山休憩公园，呢度有座凉亭，已经开始见到少少美景啦，但建议大家上埋楼梯上南朗亭先停低休息。

随住越行越高梯级，景观亦渐渐开扬，天上有麻鹰盘旋，远远地见到海洋公园游乐设施，周不时仲传黎阵阵尖叫声，全香港应该得呢度有甘奇景啦。

继续向上行就会见到南朗亭，大家可以系度影相，休息一阵；小编上去时候见到有个伯伯守系南朗亭，应该系义务维持呢度整洁，大家记住要自己带走垃圾啊。呢度景观好开扬，可以望到深湾、鸭洲同南丫岛一带海景。

继续向上行，沿途左右都有好多地方比大家欣赏风景同影相，大多都好平缓，不过大家都系小心为妙，仲会经过直升机停机坪，景色都好开扬架！我地系途中仲经过好多石阵，仲有用石砌成椅子，都几特别架！

继续向上走，好快就上到南朗山发射站，可以绕发射站行一圈，就可以沿路落山啦！如果时间许可，大家可以留系度睇埋日落。

又或者好似小编　一旁山路落山(量力而为，山路难度比行楼梯难数倍)，可以见到唔同风景。最後系落返南朗山道去返地铁站又或者去熟食中心食返碟驰名海南鸡饭，都唔错架！

难易度∶

无令人辛苦钭路同长楼梯，大量休息位。

打卡度∶ 

可以见到深湾游艇会、香港仔避风塘、海洋公园等等香港特色，有大量地方比人打卡。

设施完善度∶ 

基本上无洗手间，但前半段有南朗山休憩公园同南朗亭，有桌椅比大家休息，劲少垃圾桶，系南朗亭都唔见有垃圾桶。